巴塞隆那 FC Barcelona 睇波揀位攻略

自問不是巴塞的忠實球迷，但既然一場來到，又碰巧星期日有主場賽事，於是決定湊湊熱鬧。

戲碼係巴塞對Alaves。聯賽得分榜上巴塞目前遙遙領先，Alaves 係榜尾球隊（結果先入波），所以票價都好相宜，山頂位39歐，不錯的位置49同59歐都有。

由於無乜睇波經驗，上網諗住刨下攻略點揀位，點知發現去魯營睇波的人多，但講揀位的甚少。最後得一個lonely planet 英文post，講少少揀位tips。

我今日都叫做走渾全場，決定撰文（加圖）講下巴塞睇波揀位攻略：

建議一：一定要揀北面。

因為主場球迷都坐係北面，載歌載舞，旗幟飄揚，氣氛超好

北面最低十行全部劃比巴塞fans（不公開發售），場波由頭到尾都好high 

建議二：買North Goal lower 2nd（59 歐）

個人認為最高既位置係North Goal lower 2nd。我買既飛59歐, row 8, seat 2，覺得揀直係全場最佳位置之一，首先佢離場近，但都唔會近得滯，其次係下左龍門後面，中間睇兩邊比較balanced。如果無North Goal lower 2nd，次好既位置係都係North Goal 但較高位置

我的視角

建議三：盡量揀Row 5到10

Row 10 或以下，頭頂都係無蓋，視野感覺好闊。而且感覺上比較近個場。但係如果揀row 1-5，又前得滯。相反Row 10或以上(row 10-29) 都有蓋，雖然望前面都係一樣，但頭頂多左d野，都係無咁舒服。

Row 10 正中的視角，又夠近，好正

建議四：揀正中或者Corner

一係揀正中，一係揀corner，千祈唔好㨂中間偏左或者偏右，因為視角會好唔balanced，側重左一邊。

一開始我揀正中有擔心過會唔會被龍門遮擋，事實證明人地個場設計好好，正中位完全無遮無擋。

Corner的視角

上一張同呢張既分別睇相睇唔出，但上一張係row 20 ，呢一張係 row 10，我個人覺得近少少個感覺強D

呢個係一百歐以上既球場兩邊側面，視角係睇兩面都比較清楚，有錢可以買呢D~

建議五：趁早買飛

我好好彩，兩日前上官網仍然買到飛，估計係淡季，加上戲碼不是特別吸引。不過今日都覺得入場坐滿8-9成。如果大家夏天旺季來，買飛一定要趁早。

希望大家睇波睇得開心。