慣常的語氣

今日想同大家講一個美國簽證既故事，點樣做簽證做到要去book 個乒乓球室，同埋差D買埋花俾女朋友

話說美國駐香港領事館守衛森嚴，唔准人帶呢樣個樣入去，而其中一樣竟然係手提電腦。見到領住公事包一臉茫然的我，門口警衛叔叔以慣常的語氣說：「去對面體育館用locker 啦！」

過到體育館，見到我一手簽證材料的簽場姐姐，以慣常的語氣跟我說：「借locker 呀？要訂個場先。訂個壁球場啦。」

我去到訂場處，妹妹放低手機，以慣常的語氣說：「Book左場過去登記拎locker鎖匙。」妹妹成個樣就似租locker多過租場，我諗康文署都無諗過原來可以咁樣generate額外收入。

返到領事館，職員不接受我那兩年前的照片，要我再影。咁好啦，領事館都醒，係入面有部即影即有相機。不過可惜唔夠醒，裏面只能用現金，仲要收$50。我拎住張$100蚊問職員姐姐邊度可以換，佢以慣常的語氣說：「去對面花店啦。」

花店的李阿姨笑面迎人幫我換錢，然後以慣常的語氣說：「順便攞張卡片，我地全球都送。」「全球都送咁犀利？北京得唔得？我女朋友係個度。」「梗係得啦。朝早落單晏晝到！」李阿姨最後不忘提醒送花不一定要等到生日，平日送更有surprise。

一個美國領事館，造就了一些慣常的語氣。