<疫情閑來無事讀商業故事 – Kobe Bryant，Lab-grown diamond>

其實我真的挺喜歡研究公司，或者從商業的角度出發去解讀世界。

昨天看了兩個故事，一個是關於Kobe Bryant的。本來打算去看”Dear Basketball”去悼念他一下，結果Google 後發現官方版本下架了，然後就點擊相關報導，結果讀了很多關於他生平和家庭的報導。

他認識老婆，是在一個MV拍攝上面。他老婆Vanessa 在中學被星探發掘去拍MV，想不到會認識一個薄有名氣的籃球明星。當時講到Kobe 會揸架Benz接放學，令同學欣羨不已。不過年少氣盛的Kobe 都有犯過明星基本必犯的adultery，仲要係同一個酒店staff搞埋一齊，送到上門，唔食就罪大惡極。結果傳聞Kobe 買左4 mil 藍寶石戒指俾Vanessa。除了呢次adultery之外，Kobe二十年的明星生涯都無再發生過大事。或者2012年老婆入紙離婚都算，尤其係外母個前夫出來講話，佢地成家都係等結婚十年先離。點解？因為可以加洲法例規定，十年後要永久俾贍養費。最終佢地都無離婚，然後Kobe 突然離世，唔知Vanessa有無偷笑。

不過最慘既係小朋友，仲係四個女！兩個係近一兩年先出世，斷估係Kobe 2016年退休後，覺得可以再生多幾件。Kobe作為NBA 其中一個前無古人的明星，本身係40歲左右，係可以開展第二人生。佢已經set up左一個自己同人夾的fund，叫Bryant Stipel。仲要投過阿里同VIPKID。1個Billion的fund size係VC來講都算可以。

睇番YouTube 好多關於佢既經典片段，好幾段完場前反超前，尤其佢退役賽對Utah Jazz 86 比96，以一人之力追到 101 比96，情節真係熱血過男兒當入樽。

湖人時代，永遠係我追NBA 最厲害的時代，Kobe作為重中之重，永不難忘。

***

第二個故事係關於鑽石。閑來無事，逛Netflix 看到Vox 的"Explained"系列，挑了一集講鑽石的。23分鐘的影片挺長知識的：

人工鑽石是近年新興，實驗室可以製造高質素無雜質，係4C 評分表上完美的鑽石，價格當然可以比自然鑽石低好多。問題係，這個替代品有可能攻佔市場嗎？

幾個思考的角度：
1. Veblen Good: 鑽石真係好貴，但恰恰貴才是重點。越貴越多人買（經濟學上稱之為韋伯倫商品（Veblen Good），又稱炫耀財）。所以更便宜的人工鑽，就不能表達愛意和炫耀？

2. 用戶分層：人工鑽有沒有可能打中低端市場？就像包包和鐘錶的A貨市場一樣？當然自然鑽，因為有4C，所以很聰明地做用戶分層，一萬的鑽石有，一百萬的也有。

3. 用新的Marketing 角度：例如人工鑽係sustainable，非血鑽？又或者打開新的需求點，例如不只是結婚，可以是其他場合，比如親人過世。

4. 自然 vs 人工：因為天然鑽石要深入地底，呢種存在於自然的價值，係人工買唔到。就好似整容，可以人工整得好perfect，但係大家都係prefer natural

所以結論是人工鑽沒法抬頭？這結論再過二三十年回頭看會很有意思

P.S. De Beers 自然走入去個人工鑽市場，貌似係 if you cannot beat them, join them。但如影片所講，有可能係佢地自己入去玩，然後以超低價賣人工讚，搞垮人工讚，保衛自然鑽的市場不受影響。呢個disrupt innovation既橋係商業上非常有意思 (唔係disruptive innovation 而係disrupt 左個innovation)