TL;DR 如果係香港的士遺失物品，有車牌號碼，最有用的是去警局，讓警局找到車主號碼，打電話找司機。
重點：是否記得車牌號碼？
如果是，去警局找的士車主號碼聯絡。
如果沒有車牌號碼，那麼可以找馬路的士廣播：致電「馬路的事不容有失」24小時熱線 1872920
故事正文(真人真事)：今晚由上海返香港，一路驚喜處處。先是以為是飛虹橋，原來是浦東，就搭了80公里的士飛奔機場；再是在機場安檢偶遇中學同學嚴蛋，排緊隊突然有人拍膊頭。以為今日已經夠多surprises，點知重頭戲係返香港之後，夜晚機場返屋企，我漏左銀包係的士後座。
平日小心翼翼基本上沒有漏過野既我，此次老貓燒鬚，跟司機有很大關係，但不多敍述。重點係我Google 有乜解決方案的時候，發現top search 是「的士聯合報失服務中心」，然後是馬路之友，跟住就係「點解的士失物九成搵唔返」，睇完涼左一截，但係整個page 1 都無「去警局報案」，which 如果你有車牌號碼，是最有效的方案（這是為什麼我搞完一輪深夜撰文的主要原因）
我click入「的士聯合報失服務中心」，心諗香港有咁既服務，幫乘客搵失物真係唔錯。後面先發現世界上沒有免費午餐，原來係有一個business model：
Mark 低晒資料之後，call 台姐姐話我地可以廣播，一次有18000部的士聽到，最低消費2次，850元；又或者5次，1680。
即係乘客落廣告，仲要係好貴既廣告。
係十萬火急的情況下，可能好多人都會俾錢，但係我無。
因為其實如果知道車牌號碼既話，有一個更好的辦法：去警局攞車主號碼。
入到警局，我話要報失，一位老油條的姐姐和一位新繫師姐接待我。新紮師姐好詳細地問我銀包有乜野，一樣樣記低。她用白紙寫低我既失物清單，記錄途中仲要唔記得左銀聯個聯點寫。當講到回鄉證時，她隨口問我記唔記得號碼，而我隨口就立即答到，她十分驚訝，露出了稚氣十足的笑容。
搞左一輪，佢地俾左報失證明我。But that’s not what I wanted。
老油條：「你可以返屋企等消息。」
我：「可否幫我找一下車主的電話號碼？」
老油條：「好多時車主都係車行，未必搵到司機。現在很夜了（當時係凌晨1230），我們明天早上才嘗試聯絡吧。」
一副唔係好想do既客氣嘴臉。
我：「我怕明天早上交更，找到機會更渺茫。」
老油條：「你等幾天吧。有人交到警局，我們會通知你。」
大部份人可能到呢一刻，就會被勸退。但我不。
我：「幾年前，我們來過這警局，亦是遺留東西在的士上。當時的officer 就幫我們找到車主的號碼。你可以幫我現在試試看嗎？我不介意多等一會，就怕過了一晚更難搞。」
在我的鍥而不捨之下，老油條指示新紮師姐係電腦上輸入車牌號碼搵電話。未幾，新紮師姐再次露出稚氣十足的笑容，在白紙上疾書，那刻我就知道，她找到了。
打了電話，司機接通，銀包仍在，完壁歸趙。
重點：警察系統有的士車主聯絡方式，而警察如果沒有主動offer幫你搵車主，你要push，唔好妥協，失物越早搵，搵到機會越高
沒有留言:
張貼留言