一個Uber司機的故事

做consultant 的一個特點，是經常搭的士。而有一班consultant 是特別喜歡與的士司機聊天。今天講的是一個uber 司機的故事。

類似的故事可能有千百個，但坐在車上聽他娓娓道來，很有感覺。

上車後，吹了幾句關於深圳交通有幾差，話題轉向Uber。然後，他認真地說了一句：「優步（Uber中文名）改變了我的生活。」

此話何解？「我開左優步一個月，成個人開心左好多。」以前你做盛行？「以前係福田保稅區做珠寶，成日就坐係度做，無乜傾計，個人憋住，十幾年來都好唔開心。」無得休息傾下計？「無啦，大陸的體制不同香港，邊有咁好。」

如何開始成為Uber司機？「我之前做滴滴先，後來做左優步個人即刻開心好多。」有何不同？「好大唔同！優步人性化好多！佢派單唔會好似滴滴咁，佢會留D時間俾你休息，滴滴唔係ga，做得好累。仲有，你發電郵俾優步，俾意見佢，他真的會回覆，會重視，會改。滴滴連個電話都無，想投訴都唔得。同埋優步的乘客素質真係高D，同你地傾計，個人都開心D。」

哪個賺錢多一點？「兩邊其實差不多，如果無補貼，滴滴可能仲多添。但係賺錢之餘，最緊要開心嘛，優步在這方面做得好好多。」

你現在全職做？「係呀，唔會返轉頭，工廠做得辛辛苦苦得五六千，優步我現在朝8晚6可以賺一萬，我話你知，優步真係改變左我既生活呀！」

「我話你知，優步真係改變左我既生活」這句說話在一個20分鐘的旅程中出現三次，而他是以多麼誠懇和愉悅的聲線表達，再對比他在做珠寶時那落魄的聲音，你個一刻覺得Uber 係佢既再生父母。

這個年約四十歲的廣東男子，略胖，眼睛細細，說話很敦厚。我不知道有多少人如此「神化」優步。Uber的做法，不只釋放了社會資源，更厲害的，是它從業者都開心了，它提供了一個讓喜歡聊天的人，不用待在沉悶的工廠過一輩子。

係呢個世代，一件事只是讓大家賺錢已經不夠（這是滴滴），這件事既要賺錢，也要令從業者開心（這是Uber）。長遠來看，這會否是Uber戰勝滴滴的理由呢？